Former Ogun Lawmaker, Yinka Mafe Don Die Hours After Him Celebrate 46 Birthday

Yinka Mafe wey be de immediate majority leader of Ogun State House of Assembly don die.

According tori wey reach yawablog Mafe die on Tuesday February 4th for night after him finish to celebrate him 46 birthday.

De lawmaker bin complain of chest pain after de celebration and come die later. As de mata be dem don carry him dead body go mortuary for Olabisi Onabanjo University Teaching Hospital (OOUTH), Sagamu.

On Tuesday him bin hold prayer session for him country home for Emuren as part of de activities to celebrate him birthday. Him bin visit inmates and warders for de Nigeria Correctional Centre, Sagamu before de proper birthday celebration wey happen for Tenth Planet and Suites for Sagamu.

Dem bin born Mafe on February 4th 1974 and dem later elect am as Councillor of Ward 3 for Sagamu Local Government Legislative Council for December 1998, term wey end for 2002. Him be represent Sagamu Constituency I (Ofin) for de state House of Assembly between 2011 and 2019 for de platform of de All Progressive Congress (APC) wey bin be Action Congress Nigeria (ACN).

 

Leave a Reply

Your email address will not be published. Required fields are marked *

%d bloggers like this: