One Pregnant Woman Don Die Of Lassa Fever For Katsina

De Katsina State Government on Wednesday February 6, bin confirm de death of one 26 years old pregnant woman wey get Lassa fever.

Na Dr Shamsudeen Yahaya wey be de Executive Director for de State Primary Health Care Development Agency (PHCDA) bin confirm de death of de pregnant woman him add say de deceased 60 years old relation follow test positive to de virus.

Yahaya tell news pipu say out of seven samples wey dem collect and send out for test, four bin come back negative, two return positive while one still dey pending.

According to am

“De pregnant woman bin die on Sunday, while de other one still dey alive de receive treatment; we bin get plans to carry de one wey dey alive  go isolation center for katsina.

De pregnant woman bin de vomit, de bleed and come lose de pregnancy before she die”.

Dr Yahaya ginger pipu for de state make dem embrace personal hygienic practice even to cover dia food and wash hands.

Leave a Reply

Your email address will not be published. Required fields are marked *