Operatives for de Ogun state police Command don arrest one man wey him name na Idowu Sikiru after him burn him 5 years old son yansh, mouth and fingers bcos him steal fish.
Dem bin arrest Idowu Sikiru for Itowo for Oke Sopen area of Ijebu Igbo, Ogun state after person for him area go reason police de mata.
Abimbola Oyeyemi wey be de Ogun state police tok tok person say Idowu hold him pikin Segun wit force carry red hot aluminum plate burn am after him accuse am say him steal cooked fish.
Dem don finally carry de small boy go hospital for treatment, while dem carry him papa go anti human trafficking and child labour unit for de state criminal investigation and intelligence department. Dem go soon charge Idowu Sikiru go court after dem finish investigation.