See How Papa Beat Him 3 Years Old Son Bcos Him Pee For Bed 

Police don arrest one Ghanaian papa after him scata scata him 3 years old son, Junior body bcos him pee for bed and him dey stubborn.

De 26 years old papa wey him name na Ebenezer Nana Bonsu bin use cane and naked wire to scata de boy body.

According to Ghanaian media Ebenezer and de small boy mama no de stay together. De boy de always stay with him mama until April wen she carry am make him go spend small time with him papa and celebrate him 3rd birthday

Bcos of de way de papa de always do de small boy de thing push him neighbor to call him mama wey come sharp sharp to carry her pikin. She and neighbors bin dey shock to see wetin de papa do de boy.

Dem arrest de man and dem don rush de small boy go  Manhyia Hospital for Kumasi were him de receive treatment.

Yesterday Ebenezer bin appear for Ghanaian court for assault and harm to pikin. Him say him dey innocent and him action na to correct him pikin. Him lawyer bin forward for bail make dem free am bcos him don dey police custody since him harm de pikin. Prosecutor, Inspector, Regina Oparebea Amaoka bin object him plea tok say de papa go be threat to de mama and de pikin.

De judge grant am bail and gree remand am for custody due to Coronavirus pandemic. Him trial go start on May 21st.

Family members of de man tok say dem go de carry am go hospital mental examination. According to dem dey just notice some behavior wey him de display.

 

 

 

Leave a Reply

Your email address will not be published. Required fields are marked *

%d bloggers like this: