FG Don Present Guidelines On How Schools Go Reopen To National Assembly

De Minister of State for Education Mr. Chukwuemeka Nwajiuba on Tuesday June 23 bin present guidelines for de reopening of schools to National Assembly.

My pipu if una fit remember Federal Government bin shut down schools for March to stop de spread of coronavirus.

Wen him bin de make de presentation for meeting with de Senate Committee on Basic and Secondary Education, de Minister  bin tok say dem don suggest way to move de Education sector forward during de coronavirus pandemic.

“We no wan make am known for dis time so dat some pipu no go take our proposed guidelines for school reopening.

“Even if de Senate never call us, we for still come to discuss with una bcos we don already discuss with de House of Representatives.

“We bin present de documents to una so dat you go fit criticize am and put mouth for de mata as major stakeholders”.

De Vice Chairman for de Committee Akon Eyakenyi bin express fear of publics for public schools say dem no go fit get better academic session as most of dem no get de opportunity to learn online during de pandemic like dia mates for private schools.

Leave a Reply

Your email address will not be published. Required fields are marked *

%d bloggers like this: