My county pipu one Facebook user bin carry go him page to drag de attention of pipu to de Nigerian woman wey just lost her pikin wey she just born after some pipu gang rape her for Ghana.
Bright Sylvanus bin claim say de woman wey from IMO state bin dey stranded for Hospital for Ghana becos she bin no fit pay de hospital bills after her pikin die for de hospital two weeks after dem born am via C-section.
Him claim say de woman bin waka go Ghana to find work. As she bin de dey na it some pipu gang rape her and e come turn to belle. Even as she bin dey with dat belle some pipu still come gang rape her again.
She bin come put to birth on 31st May via cesarean section and de pikin come die on June 15. De woman bin come dey stranded for Ridge Hospital, Accra, bcos she bin no fit pay de hospital bills. She bin no fit bury her dead pikin bcos of de same hospital bills too.
Bright say him bin pity de woman well well after him hear about de tori and him go de hospital to clear de bills.