Former Oyo State Governor, Abiola Ajimobi Don Die

My pipu former Oyo State Governor, Senator Abiola Ajimobi don die. Ajimobi die after him bin de battle with coronavirus.

According to tori wey reach Yawablog say Senator Abiola die around 4pm on Thursday. Before him die him bin de receive treatment after surgery for de First Cardiology Hospital, Ikoyi, were him die.

Mr Dele Momodu don even follow confirm de death of de former Governor for one post wey him do for Twitter on Thursday.

Him write;

“Goodnight former Governor Abiola Ajimobi of Oyo state. My condolence de go to de family… RIP”.

Publicity Secretary of APC for de State, Dr Abdulazeez Olatunde tok say him no fit confirm Ajimobi death dat na only him family fit confirm am.

Ajimobi bin be Governor of Oyo State between 2011 and 2019.

Leave a Reply

Your email address will not be published. Required fields are marked *