My country pipu de Niger state police command don arrest one 70 years old man after him rape one 8 years old girl for Chanchaga area for Minna, Niger state.
De suspect wey him name na Mohammed Sani Umar bin rape de small girl two times before him give her N80 naira make she no tell person wetin him do. But de small girl bin tell her mama say de 70 years old man bin scata scata her kpekus after de mama notice de small girl behavior.
Wen de small girl uncle bin de explain de mata him say de small girl bin dey very sick for some weeks and even after dem give her treatment she no gree well. Den one neighbor come advise her mama make she put eye for her pikin. Which her mama start to do.
“After some days de mama come see blood stains for her pant den come ask her wetin do her.
De small girl just carry her mama go de man place as dem reach dey she just point hand show de mama.
Wen de man come see de girl and her mama him start to beg dem make dem cover am up that him go take responsibility”.
Him add say Umar bin come confess to de rape crime after angry members for de community beat am before dem carry am give police for more investigation.
“Him say him rape her two times and him bin give her N50 de first time den de second time him come give her N30.
De Divisional Police Officer tok say dem go forward de case to de state command on Monday.
“We wan make police do de right thing bcos de man get mouth and him get some people wey de always bail criminals wey police de arrest.
Him sabi rich pipu well well for de community and way dey say dem go do ojoro to release de man and carry de mata put under carpet”.